人均250蚊有找，適合約埋朋友一齊出嚟飲返杯食下嘢嘅餐廳，食完飯之後仲可以過隔離堅尼地城海旁吹下海風傾下偈，呢一間餐廳絕對係可以encore嘅選擇。

作為一個鍾意食正統意大利pizza嘅人，留意到Instagram度有唔少foodie都分享緊呢一間位於堅尼地城海傍嘅餐廳每逢星期二都有酸種pizza買一送一優惠，所以我決定搵一個星期二收工之後就約埋朋友一齊去呢一間餐廳試下。

當我哋去到呢一間餐廳，見到服務員提供嘅晚餐menu，除咗有pizza，小食之外，仲有得飲手工啤酒，紅白酒，同埋cocktail，都幾適合成班朋友放咗工之後過去飲兩杯傾下計。

當日我地揀咗 Tell me you love me 同埋 Living the dream 呢兩款 pizza 作為我哋嘅主食。跟住仲有一啲小食畀我哋一邊食一邊飲酒傾計，我哋揀咗Masala potato wedges 同埋fired up呢兩份小食。當然著得朋友出嚟食飯就預咗會飲酒啦，我先揀咗一杯Gin sour嘅cocktail。

首先上枱嘅就係呢一杯 Gin sour，我本身係比較抗拒Gin酒獨特嘅草藥味，但出面嘅bar主要都係提供whiskey sour，所以我相對想試下呢一隻酒有冇特別嘅感覺，呢一杯咁落口冇咗gin酒好霸道嘅味道，加上檸檬汁同糖漿喺shake杯入面經過bartender使用麒麟臂嘅混合，得出呢一杯入口順滑充滿香味嘅酒。

跟住上枱嘅就係Masala potato wedges ，普通嘅炸薯角撈埋masala粉，入口有少少辣味刺激住味蕾，如果送啤酒會更加好味道。

到我哋嘅主菜登場，第一碟出嚟嘅係Tell me you love me呢一個pizza，呢一個pizza係有少少辣味嘅番茄醬，配上唔同嘅芝士，羅勒葉做點絕，食落口味道充滿層次感，而且個餅底做工一流，軟身之如又唔會失去口感。

食完第一個pizza之後，跟住上嚟嘅就係fired up，呢一個係炸雞全翼，佢應該炸完之後輕微咁煮過下，唔係非常之脆皮嗰種，雞翼炸得非常之鬆化，入口充滿肉汁，配埋香辣味嘅表皮炸粉令到我食到流曬口水🤤🤤

去到呢度我就點咗今餐嘅第二杯酒，我點咗聲稱有菠蘿同埋芒果香味嘅New Zealand Pilsner 手工啤，但係呢一杯啤酒飲落口我淨係聞到佢就芒果香味，呢一杯酒嘅輔導唔算好濃烈，酒精濃度都偏低。

跟住就嚟第二個pizza – Living the dream，呢一個pizza上面有parma ham，仲有芝士羅勒葉，而且呢一個pizza嗰邊位畀上一個燒到有少少燶，食落口嘅香味更加豐富。入口食到酸種餅底獨特嘅香味仲有parma ham嘅鹹味，基本上你食一片係完全唔夠喉，要食多一片先夠滿足感（邪惡感）。

我哋食完飯之後都差唔多去到佢哋收舖，所以我哋就去咗隔離堅尼地城海旁傾下偈，再慢慢行返出去上環皇后街附近搭巴士返屋企。

餐廳資料
Baked 堅尼地城分店
位置：堅尼地城堅彌地城新海旁2-5號 Google Map
營業時間：星期一至日 : 8am – 10pm
餐廳網站：https://www.bakedhongkong.com/
無需預約

• 肥宅日常