當我搭完大有巴士到達桃園機場之後，當然就係去搵長榮航空嘅21號櫃檯做check in手續。可能係我第一次坐商務艙，冇留意到原來商務艙係喺14/15/18號櫃檯排隊，而我就戇居居咁去咗平時排隊個位做check in手續，當日排隊嘅人都算多，我用咗大概20分鐘先至可以去到櫃檯做check in手續，將行李做完寄倉手續，攞埋機票，職員同我講︰先生你下次再搭長榮航空商務艙的話，可以用商務艙櫃做check in。

長榮航空提供既check in資訊：https://www.evaair.com/zh-tw/fly-prepare/at-the-airport/worldwide-airports/?countryCode=TPE

Check in完之後我就去到第二航廈5樓嘅觀賞台度睇下飛機，呢一個景觀相對以前香港機場嘅觀賞台差好遠，當年香港嘅觀賞台喺2號客運大樓，基本上係望唔到停機坪上面既飛機，淨係可以遙遠咁睇到兩條跑道嘅飛機升降。

因為現場都比較熱，所以我睇咗一陣就入返去入面欣賞一下特別嘅景點，因為呢度係參照咗以前嘅台灣街頭興建嘅一個food court同埋手信街，當然亦都買埋我漏咗買嘅太陽餅做手信。

之後我就入閘去lounge度醫肚，如果你係乘坐長榮航空商務艙，可以喺台北桃園機場使用The Infinity呢一個lounge，呢一個lounge既位置就喺過完海關出境手續之後直接上電梯，你就會見到餐廳，擰轉面就係長榮航空嘅lounge，長榮航空喺呢一個航廈總共擁有四個lounge，你可以喺check in嗰陣問清楚職員，雖然去錯地方你都入唔到去🤣🤣。
The Infinity lounge 既資訊：https://www.evaair.com/zh-tw/fly-prepare/at-the-airport/lounges/taiwan-taoyuan-international-airport/the-infinity/

Lounge入面嘅自助餐都有唔同嘅種類可以畀你選擇，我實在太肚餓，一次過拎左兩碟野埋位醫肚。而且入面亦都有洗手間，淋浴間，簡單嘅辦公房享用，亦都有電視可以睇到電視節目，亦都會提供航班動態嘅顯示。

醫完肚之後，時間亦都差唔多，就落去樓下嘅免稅店睇下仲有冇酒啱心水可以買。因為我已經帶左一枝威士忌寄倉，所以我今次無買到。

因為呢一班機只有商務艙同經濟艙呢兩個艙等級，所以我理所當然咁成為第一類登機嘅乘客。

下一篇文就講到商務艙既體驗。

• 旅行生活