正所謂抖音三分鐘生活三小時，當有一日發覺你自己原來有唔少時間浪費咗喺奶頭樂（tittyainment）度，倒不如，好好咁利用自己嘅時間，將每一日浪費咗嘅時間投放一部分喺自己有興趣嘅事物身上。

呢本書嘅內容亦都係分享緊一個人氣網紅本身係一個日本社畜，喺冇背景冇實力嘅情況下，令到自己依靠副業創造第二收入，成功咁反轉自己人生，依靠經營自媒體成為一個係 Twitter 擁有十萬個follower既人氣網紅。

而我最欣賞嘅係建議當你決定做一件事嘅時候都需要付出足夠既專注同埋專業去令自己去完成相對應嘅目標。

要成為一個斜槓族，背後需要有一定嘅堅持同埋犧牲。例如嘗試晨型生活，利用啱啱瞓醒嘅時間令自己大腦清醒，進入最佳工作狀態。

而且當你決定做副業嗰陣，當然會遇上唔少嘅挫折。而你亦都需要對唔同嘅階段，對自己設立唔同嘅目標，令到自己為你嘅目標堅持落去。

魯蛇的翻轉人生計畫：平凡也能出頭天！改變現狀、擁抱自由，創造更多可能的人生改革術
作者：海星
購買連結

堅持一段時間令到自己可以脫胎換骨

當有一日行誠品書店，見到一本書分享緊一個喺日本嘅社畜轉行成為一個斜槓族(slash)嘅生路歷程。當時我正經歷緊唔少壓力，例如對本身嘅工作前景感覺到迷惘，從而產生咗嘗試成為一個斜光族嘅念頭，二話不說就買咗呢一本書。

回想起我本身既經歷同作者都幾相似，讀書嘅能力又唔係特別叻，亦都冇背景，本身正職嘅工作時間亦都非常之長（平常嘅工作時間由9 am直到8 pm）。而且每一日用喺返工放工嘅時間亦都接近兩個小時（大西北至觀塘區），其中搭車嘅時間主要都係用喺YouTube，碌 IG ，Facebook，抖音度。每一日收工返到屋企，主要都係攤喺床上面睇下書，YouTube， Netflix。

而我本身亦都習慣閱讀唔同嘅書籍，倒不如分享一下我對唔同書籍嘅見解。回想起本人唔係好擅長喺講嘢，成為一個youtuber對我係一件比較困難嘅事情。倒不如上wordpress開一個網站，再喺香港主流既社交平台，Facebook， IG開一個專頁，分享下日常生活唔同嘅事情，堅持每日投放少量嘅時間落去令到自己係唔同方面都有進步。

呢個夢想已經喺我腦海入面萌芽左一段時間，只不過又未有動力推進呢一件事嘅發生。直至到幫我利用假期去台灣旅行之後，發覺到原來自己可以同大家分享下遊記，倒不如將呢件事付之實行。

返到香港之後，我下定決心，利用咗一日時間，查閱關於開設網站嘅資料。之後決定利用wordpress設立人生第一個網站，堅持每個星期同一時間令自己出到一篇遊記分享畀每一位讀者，當然我都會利用同一個網站分享我嘅閱讀睇法。

慶幸而家嘅科技發達，我可以將諗到嘅文案利用空閒既時間（例如搭車果陣），利用語音輸入變成一篇文章，再經過少量修訂就可以發文。

• 肥宅閱讀